interview with prabal bhatt

Work Links.

Interview

1. What is your birthplace?

Prabal: Birsinghpur(Madhya Pradesh)

2. How do you find an interest in writing & content creation?

Prabal: Bachpan me school functions me anchoring karta tha to kaafi mazza aata tha. Phir maine TVF ki videos dekhe . Woh videos dekhne baad maine socha ki mujhe bhi aisa kuch krna chahiye.

Lekin phir 10th class ke baad mujhe boarding school bhej diya gya to start karne se pehle hi full stop lag gya. Phir JNV ( boarding school) me main poetries aur short stories likhta tha . 11th class me online writing competition ke through mera PM PARIKSHA PE CHARCHA ke liye selection hua tha, poore district se main akela select hua tha to tabse soch liya tha ki saath me writing bhi karni hai life me. Fir 12th khatam hote hi lockdown lag gya 

Soch to kaafi time se raha tha khud ka content bnane ka to lockdown me shubaarambh hogya. Phir kaafi short videos banaye aur scripts bhi likhi jo poori reject hui. Phir December mein youtube channel “The BLUNT” ne mujhe mauka diya. Tabse kaam kaafi sahi chal rha hai aur kaafi kuch naya seekha bhi hai.

3. From where did you learn writing & content creation? Also, according to you – self- learning or Learning from an expert. Which is more important?

Prabal: Abhi tak jitna bhi seekha hai khud se hi seekha hai. Aur thoda thoda dusro ko dekh kar observe karke , unke dialogue delivery ki style , unke actions samaj kar bahut kuch seekha hai.

Aur baat karein on ground shoot ke baare me to shuru mein to mujhe kuch nahi pta tha. Shoot ke baare me jitna jaana seekha woh toh “The Blunt” mein apne bhaiya logo se seekha. 

Abhi kaafi kuch seekha hai aur bhi bahut seekhna baaki hai. Mere hisaab se self learning is more important. Khud ko roz thoda thoda improve karke apan khud ko next level par le jaa sakte hai.

4. What do you feel about the emerging trend of web series? 

Prabal: Web series ka jo trend aaya hai ye ekdum sahi hai. Bahot opportunities hai. Kaafi artists ko kaam mil raha hai. Kaafi new concepts par series ban rhi hai. 

5. Apart from content creation do you have an interest in sports or any other field?

Prabal: Bachpan se hi football khelna bahut pasand hai. I’m a state level player of football. Lekin phir ek match me shoulder hi fracture ho gya tha to football khelna thoda kam hogaya hai.

6. Favorite web series or film?

Prabal: Gangs of Wasseypur.

7. Do you have role models?

Prabal: Manoj Bajpayee Sir and Nawaz sir.

8. Do you have any dream project? 

Prabal: Dream project hai lekin usko poora karne ke liye abhi kaafi kuch seekhna hai . To uske liye to abhi kaafi time hai, isliye abhi bata nahi sakta.

9. Do you have any dream role? 

Prabal: To be a part of Gangs of Wasseypur 3. Agar Anurag Kashyap sir part 3 banate hao toh.

10. What is your biggest dream?

Prabal: Waise aage ka kuch socha nahi hai . Jo kaam abhi thoda bahut karta hoon woh humesha ke liye karna chahta hu, bas ek baar engineering acche se complete hojaye. Aur stand up bhi try kar raha hoom main to ismein bhi aage badhna chahta hu. Aur humesha sabko hasana chahta hu yahi sabse badhi wish hai meri.

11. What are your upcoming projects?

Prabal: Upcoming projects mein kuch scripts likh raha hoon aur mere personal Instagram page ke liye kuch character create kar rha hu , I hope ki sabko woh characters pasand aayenge.

We had a great interview with Prabal & We wish him all the best for his upcoming projects.