1. What is your birthplace?
Vivek: I was born and brought up in Jabalpur.
2. How do you find an interest in stand-up comedy?
Vivek: Main bachpan se hi Indian stand up comedians aur India ke bahar ke stand up comedians ke shows and videos dekhta tha toh wahin se mujhe interest aaya stand up comedy ki field mein and maine socha ki agar mujhe yeh filed acch lagti hai toh ek baar try toh karna hi chahiye.
3. From where did you learn stand up comedy?
Vivek: Nahi maine seekha toh nahi hai but main kaafi saare stand up comedians ko follow karta tha unke shows and specials dekhta tha toh woh sab dekhar hi maine content likhna start kiya tha.
Jab tak main school mein tha tab tak maine ek bhi stage performance nahi ki thi. College mein aane ke baad maine content likhne start kiya aur shows and events ko host karna start kiya.
Phir maine Mumbai mein open mics mein perform karna start kiya aur joh mujhse seniors comics the woh meri kaafi help kiya karte the.
4. What was the first reaction of your family when you told them that you want to choose stand up comedy as your profession?
Vivek: Meri family ko pata tha ki yeh mera passion hai. Mere dad ka business hai toh mere dad ne mujhe bola tha ki tum 3 ya 4 baje tak factory ka kaam dekho aur 4 baje ke baad tum open mics karo , shows karo and apne talent pe kaam karo. So meri family ne mujhe support kiya hai.
5. Favorite Stand Up Comedian?
Vivek: Kaafi lambi list hai woh toh but agar mujhe India ke bahar ka stand up comedian choose karna ho toh woh hoga Hasan Minhaj. Aur India ke toh kaafi saare stand up comedian mujhe pasand hai toh 1 ya 2 naam choose karna possible nahi hai.
6. Do you ever think of acting in videos, web series, or movies?
Vivek: Haan acting bhi try karsakta hoon main but mujhe writing mein kaafi interest hai. Main sketches and web series likhna chahata hoon.
College ke time pe maine mere 2 friends ke saath milkar ek web series bhi likhi thi. Woh web series ki script abhi bhi hum teeno ke pass hai.
7. Apart from stand up comedy do you have an interest in sports or any other field?
Vivek: Haan maine apne college ko dance competitions mein represent kiya hai. Main drummer bhi hoon. Humara ek band bhi hai. Comedy content writing ke saath saath mujhe poetry writing bhi acchi lagti hai. Instagram pe mera ek page bhi jisme main apne quotes aur poetry post karta hoon.
8. What are your upcoming projects?
Vivek: Stand up comedy ke videos hai joh probably 2021 ke last mein or 2022 ke start mein Youtube pe aajayenge.
9. What is your biggest dream?
Vivek: Yeh toh almost har stand up comedian ka dream or goal hota hai ki uska ek stand up special ho. Mere bhi yeh hi dream hai ki mera ek stand up special ho joh Netflix ya Amazom Prime Video pe release ho.
We had a great interview with Vivek & We wish him all the best for his upcoming shows.