interview with pratish mehta

Work Links.

TSP’s School Diaries | The Screen Patti
Fathers Volume 2 trailer
Ek College Reunion Aisa Bhi | The Timeliners
TSP’s Behind The Scenes
Pataka Kisko Bole Tune | Girliyapa
TSP’s Behind The Scenes: Indian Cricket Dressing Room
TSP’s Behind The Scenes; MS Dhoni Retirement

Interview.

1. What is your birthplace?

Pratish: I was born and brought up in Ujjain.

2. How do you find an interest in acting & writing?

Pratish: Jab main 12 saal ka tha tabse hi theatre karta tha. Goverment of India ki ek scholarship milti hai (CCRT – Central for cultural resources training of India) Yeh scholarship mujhe14 saal se milne lagi thi.

Yeh scholarship ke liye test hote hai. So woh test maine diye the aur uske baad 14 saal se 21 saal tak yeh scholarship mujhe milti thi. CCRT har 2 saal mein ek jagah par cultural fest karata hai jahan par woh India mein se 100 studens ko bulate hai jinke pass yeh scholaship hai.

7 din ka fest hota hai. Joh theatre ke students hote hai unhe 7 din mein ek play ready karke perform karna padta hai.

So main bachpan se hi theatre plays karta tha but mera real interest cricket mein tha. Cricket mein 3 saal tak lagatar maine National khela hai. But jab main 1st year tha tab mere leg ke ligament toot gaye the aur 2 saal tak mera ligament sahi nahi hue toh maine phir cricket khelna chhor diya tha.

Uske baad maine aur mere ek bhaiya hai hum dono ne milkar ek theatre group form kiya. Phir uss theatre group se humne har national competition mein part liya. Manali mein har saal 1st jan ko national carnival hota hai. Toh uss carnival mein 5 saal tak perform kiya jisme se 3 saal humara group first aaya tha.

3. What do you feel about the emerging trend of web series? 

Pratish: Main 2015 mein Mumbai aaya tha. Uss time se web series ka trend India mein increase hone lag gaya tha. Maine bhi kaafi film auditions diye 1 saal tak but selection nahi hota tha. Opportunities kam thi but web series ke aane se sabke liye opportunities zyada hogayi thi.

Web series ka trend India mein aana ek tarah ka revolution hi hai. Web series ke kaaran kaafi saare naye artists ko kaam milne laga hai aur kaafi saari acchi stories pe series ban rahi hai joh ki kaafi acchi baat hai.

2015 ke pehele maine mere cousin brother ke saath ek business start kiya tha. 2 saal tak maine business hi kiya. Maine apni shop pe first time TVF ki series Pitchers dekhi thi. Aur woh series mujhe kaafi acchi lagi.

Phir maine Permanent Roommates dekha aur yeh series bhi mujhi kaafi acchi lagi. Basically main TVF ke videos aur series dekh kar kaafi inspire hogaya tha.

Har OTT platform mein koi na koi acchi series release horahi hai aur har OTT platform ki apni ek audience hoti hai.

Abhi TVF ki Aspirants release hui hai woh sabko kaafi acchi lag rahi hai. TVF ne Gullak, Yeh Meri Family, Kota Factory, yeh sab series banayi hai aur yeh saari series ko logon ne kaafi appreciate kiya hai.

4. Which is your favorite show, video, or series, which you written, acted or directed?

Pratish: Yaar best work toh abhi baaki hai but haan agar mein writing ki baat karoon toh Fathers season 2. Fathers season 2 isliye kyonki maine iss series se kaafi kuch seekha tha.

Aur Acting mein meri ek engineering ke topic ke upar ek video kaafi viral hui thi woh mujhe best lagti hai. Yeh video mujhe best isiliye lagti hai kyonki iss video mein mera 3 minute ka monologue tha.

Woh monologue one take monologue tha. One take monologue toh tha hi but woh mera first shot bhi tha camera ke saamne.

5. Do you have any dream project? 

Pratish: Mere hisaab se dream project kuch nahi hota hai. For ex: agar main abhi ek project banana chahata hoon aur kuch time baad jab yeh project ban jayega toh joh next project hoga woh mera dream project hojayega.

So abhi toh koi dream project nahi hai but haan kuch stories soch raha hoon main jinko main banana chahata hoon.

6. Do you have role models?

Pratish: Role model toh nahi hai but main yeh maanta hoon ki har aadmi ke paas kuch na kuch acchi quality hoti hai aur aapko unki woh quality observe karke seekh leni chahiye.

Jaise ki Aamir khan joh script choose karte hai joh films karte hai woh aap unse seekh sakte hai. Shah Rukh Khan ka joh charm hai maine unse woh seekha hai. Kitne saare directors hai jinki films dekh kar aap direction seekh sakte ho.

Aap jinke saath kaam karte ho unse bhi kaafi kuch seekh sakte ho. Maine mere seniors ke saath kaam karke kaafi kuch seekha hai. Iss field mein joh mujhse junior hai unse bhi maine kaafi kuch seekha hai.

7. Apart from acting and writing do you have an interest in sports or any other field?

Pratish: Meri life ka sabse pehela interest cricket tha aur woh hamesha rahega. India mein kaafi log cricketer banna chahate hai but maine 10 saal tak professional cricket khela hai aur cricket se maine kaafi kuch seekha hai. Never give up waala attitude cricket se hi aata hai. So cricket toh mere liye sabse upar rahega hi.

8. What is your biggest dream?

Pratish: Mera hamesha se ek hi dream raha hai ki main ek acchi life jeena chahata hoon. Main hamesha apne family, friends aur acche logon ke saath apni life jeena chahata hoon.

Aur abhi main joh kaam karraha hoon woh main hamesha karna chahata hoon. Mujhe khaali baithna accha nahi lagta. Abhi tak maine kaafi sketches likhe hai hosakta hai kuch time baad main series likhunga aur uske kuch time baad films bhi likhunga.

Main jitna accha kaam karunga utna hi apne kaam mein grow hote jaunga.

9. What are your upcoming projects?

Pratish: Abhi acting ke joh upcoming projects hai – Woh hai Kota Factory season 2 jisme maine ek chotasa role kiya hai aur Cubicles ka season 2 karraha hoon.

We had a great interview with Pratish & We wish him all the best for his upcoming projects.