interview with prakhar sharma

Work Links.

Interview.

1. What is your birthplace?

Prakhar: Bharatpur. A district in Rajasthan.

2. How do you find an interest in acting & writing?

Prakhar: Main NIT Raipur se B.Tech karraha tha toh tab tak mujhe koi idea nahin tha ki mujhe iss field mein aana hai ya iss field mein kuch karna hai.

Out of nowhere mera ek friend aaya mere pass ki college ki cultural fest mein ek street play karte hai. Mujhe tab tak pata bhi nahin tha ki street play hote kya hai. Toh humlog ne ek street play kiya aur play karne ke baad mujhe bohot mazza aaya. Aur woh play karne baad mujhe lage ki yaar ab yeh hi karna hai.

Phir uske baad se hum log bohot active hogaye. Practice karte the, writing seekhte the. Humare college mein koi drama club nahin tha toh maine aur mere dost ne milke humare college mein drama club start karwaya. Woh drama club abhi bhi acchese chal raha hai. Toh woh play mere liye ek turning point tha uska baad hi mein iss field mein aaya

3. From where did you learn acting? Also, according to you – self- learning or Learning from an expert. Which is more important?

Prakhar: Main koi acting institute toh nahin gaya hoon but haan maine 15 days ki worshop join ki thi. Workshop ke baad maine 1 saal theatre productions mein bhi kaam kiya hai. But mainly maine joh kuch bhi seekha hai woh khud se hi seekha hai, Logon ko dekh dekhar seekha hai, actors ko observe karke seekha hai, actors kaise dialogue bolte hai, unke expression kaise hote hai, unke lip movement aur eye movement ko observe karke hi seekha hai.

Mere hisaab se expert se seekhna bhi zaroori hai but self learning sabse zaroori hai.

4. What do you feel about the emerging trend of web series? 

Prakhar: Web series ka joh trend aaya hai woh bohot bohot accha hai. Bohot saare log ko kaam milne laga hai. Ab log hero ko nahin balki story dekhne ke liye series dekhte ho aap. Agar mein khud ki baat karu toh ab mere pass series ya films dekhne ke option bohot zyada hai. Global cinema ka reach hai. Main ab Tamil, Malayalam, Spanish, German aur baaki saari languages ke series aur films dekh sakta hoon

5. Which is your favorite show, video, or series in which you have acted?

Prakhar: Mera abhi tak ke favorite videos hai Andha Kanoon – Sharma Ji Ki Ladki joh maine hi likha tha Arre india ke liye and Virushka Ki Baby Party BTS video yeh video bhi maine hi likha tha The Screen Patti ke liye and iss video mein maine Ambani ka character play kiya tha.

6. Your favorite Actor & Actress? 

Prakhar: Favorite actors & actresses ki toh kaafi lambi list hai but usmein se kuch naam mein aapko batata hoon – Mere all time favorite Irrfan Khan sir. Irrfan Khan sir toh sabko hi pasand hai. Shah Rukh Khan, Ranbir Kapoor, Manoj Bajpayee Nawazuddin Siddiqui, Amitabh Bachchan & Pankaj Tripathi yeh saare actrors mujhe bohot – bohot acche lagte hai.

Favorite actresses mein meri all time favorite hai Priyanka Chopra.

7. Do you have any dream role? 

Prakhar: Yaar dream role toh sabke hote hai. Mere bhi bohot saare dream role hai but usmein se ek dream role ke baarein aapko bata chahunga joh main abhi tak kisi ko nahi bataya hai. Main ek film mein ek aise writer ka role play karna chahunga joh shayari likhta ho, stories likhta ho aur woh apni life mein bohot akela ho.

8. Do you have any dream project? 

Prakhar: Yes i have a dream project. Main uss project ko likhna chahata hoon aur direct bhi karna chahata hoon. But abhi mein uss poject ke kaarein bhi zyada details disclose nahin karna chahata hoon.

9. Do you have role models?

Prakhar: Kuch log hai jinke kaam ko admire karta hoon aur unse inpiration leta hoon jaise ki Shah Rukh Khan, Priyanka Chopra, Pankaj Tripathi, Rahul Dravid, Mahendra Singh Dhoni, Virat Kohli, APJ Abdul Kalam sir aur bhi kaafi log jinse mujhe inspiration milti hai.

10. Apart from acting and writing do you have an interest in sports or any other field?

Prakhar: Acting aur writing ke alawa mujhe travel karna kaafi pasand hai. Meri checklist mein bohot saari places hai jahan mujhe jaana hai aur ghumna hai. Main har saal foreign countries ki solo trip karna chahata hoon. Alag alag countries ko explore karna chahta hoon wahan ke culture ke baarien mein pata karna chahata hoon.

Sports mein mujhe cricket & badmintion khelna accha lagta hai.

11. What is your biggest dream?

Prakhar: Mera biggest dream hai is – I want people to listen to me. Main joh baatein bolu woh sab log sunne. Main aise imagine karta hoon khudko ki kisi din mic mere haath mein hai aur 2,4,5, 10 lakh log saamne khade aur main joh bol raha hoon woh sab sun rahein hai.

I want to contribute to this society by any means possible. Toh yeh mera biggest dream hai.

12. What are your upcoming projects?

Prakhar: Upcoming Projects mein main ek mini series abhi likh raha hoon. Aur acting ke projects ki baat karein toh woh bhi aane waale hai.

Main khud bhi kuch characters bana raha hoon jinki vdeos mein Instagram pe post karunga. I hope woh characters aap sabko acche lagenge.

We had a great interview with Prakhar & We wish him all the best for his upcoming projects.