interview with shubham sinha

SHUBHAM SINHA – Is an Indian Filmmaker. He has directed many ad films, short films and music videos.

Work Links

PhonePe Ad film
O Maahi Song
The Meadow – Resort And Spa,
Cavin’s Milshake
Mere Khwaab Song
The Date – Short Film Poster
BTS PIC
BTS PIC
BTS PIC
BTS PIC

Interview.

1. Lockdown hatne ke baad se kya kya changes hue hai film shooting mein?

Shubham : Shoot ke pehele pura set sanitize hota hai, Costume sanitize hote hai, film set ke entrance pe sabse pehele temperature check hota hai, Sanitization hota hai, Oxymeter se oxygen check karte hai, kuch kuch shoots mein covid test bhi hote hai. Sanitization ka alag se department hote hai film set pe and mask toh har jagah zaroori hota hi hai.

Shooting crew bhi joh pehele 150 to 180 hota tha woh ab cut down hokar 50 to 100 ke beech ka hogaya hai.

2. 2020 and 2021 mein aapke kaunse new projects release hue hai?

Shubham : Jabse films ki shooting phirse start hui hai uske baad se abhi tak maine kuch ads and music videos direct kiye hai.

Surf excel ad ka direct kiya , Amazon ka ad direct kiya, Vaseline ka ad direct kiya and abhi kuch aur ads direct kiye hai joh bohot jald hi Tv and Digital platforms pe release hone waale.

Ads ke saath saath music videos bhi direct kiye hai maine. O MAA, O Maahi, Naari and Mere Khwaab yeh music videos maine direct kiye hai joh 2020 and 2021 mein release hue hai.

3. Aap kaunse genre ki web series or films banana chahate hai?

Shubham : Mujhe Udaan film bohot pasand hai main Udaan jaisi films banana chahunga. Main woh films banana chahata hoon joh logon ko motivate kare.

Mujhe family films, drama films acchi lagti hai toh main bhi family oriented films, drama films banana chahunga. Main kabhi bh horror film nahi banana chahunga.

4. Kya aapko lagta hai ki India mein bhi aisa trend aayega ki jab log director & writer ke naam pe films dekhne jayenge?

Shubham : Mere hisaab se India mein yeh trend aana thoda mushkil hai.

5. Film Industry mein directors and writers ko proper credit milta hai?

Shubham : Yahan par writers ko jitna importance milna chahiye utna importance nahi milta hai. Directors ko tab bhi mil jaata hai par writers ko utna nahi milta hai.

6. Kya aapka koi favorite actor ya actress hai jiske saath aap film ya series banana chahate hai?

Shubham : Main Shah Rukh Khan ke saath kaam karna chahata hoon. Mere woh favorite hai childhood se. Mujhe unke saath ek baar zaroor kaam karna hai.

7. Aapke hisaab se aapka abhi tak ka best or favorite work kaunsa hai?

Shubham : Maine abhi tak joh ads direct kiye hai usmein se – Hina Khan ke saath joh ad film banayi hai woh mujhe abhi tak mera best work lagta hai. And music videos mein – O Maahi best lagta hai.

8. Aapke Upcoming Projects?

Shubham : Upcoming projects mein – Kuch ads direct kiye hai joh kuch din mein release hone waale hai.

Vinay Pathak ji ke saath ek short film banayi hai Jiska title hai – The Date. The Date kuch din mein release hone waali hai. Ek aur short film planning phase mein hai jiska title – Purple Scarf hai & ek feature film aur series ki script pe kaam chal raha hai.

We had a great interview with Shubham & We wish him all the best for his upcoming film projects.