Interview With Abhinav Anand – Innka Naam Sirf Bade Nahi Hai – Yeh Actor Bhi Kaafi Bade Hai

Interview With Abhinav Anand – Innka Sirf Naam Bade Nahi Hai – Yeh Actor Bhi Kaafi Bade Hai

Abhinav Anand – is an Actor, Director, & Writer. He is currently with – TVF (The Viral Fever) & TSP (The ScreenPatti). Abhinav has directed many videos & episodes of the famous series – ‘Tinder Games’ & ‘Rabish Ki Report’ and very soon he will be directing a web series. . Abhinav has also acted in so many sketches/videos and web series like – Bade Chote (Series), Zeroes (Series), Tinder Games (Mini Series), & Baap Baap Hota Hai (Series). Abhinav is very famous for playing the character of – ‘BADE’ in videos & series. And after watching his performance in those videos & series, we can say that – Innka Sirf Namm Bade Nahi Hai – Yeh Actor Bhi Kaafi Bade Hai.

Some Video Links Of His Work.

Tinder Games – Trailer | The Screen Patti
TSP BADE CHOTE | The Screen Patti
Theatrical Trollers | The Viral Fever
Zeroes – Web Series Trailer | The Screen Patti
Baap Ka Janamdin Ep 3 | The Screen Patti
Gully Cricket Qtiyapa | The Viral Fever
Baap Baap Hota Hai | The Screen Patti
The Master Bedroom | The Screen Patti
Ex Ki Shaadi | The Screen Patti

Read This Interview To Know More About Him

1. Your early life info like – birthplace, school, college, degree etc.?

Abhinav – I did my schooling mostly from Agra. Actually, I shifted to Agra in my 7th grade. Main DPS Agra se passed out and Agra se pehele main Bihar mein tha. Agra ke baad mein Kota gaya 1 saal ke liye then, I went KIIT Bhubaneswar. Phir maine apni B.Tech degree complete ki in 2014 and master degree in 2016.

2. How do you find interest in acting?

Abhinav – Acting ka yaar bachpan se hi khurafati dimag tha. School se hi shauk tha acting ka. School mein masti ki liye, I used to take out voices of different animals. And school mein bhi thearte play hote the usmein part liya karta tha. Hamare school ke acting teacher ne meri kaafi help ki thi acting mein.

3. From where did you learn?

Abhinav – I learned from observing people, watching TV & web series. If we observe anyone then we try to copy that character and make changes in those characters according to us.

4. Self- learning or learning from any institute. Which one is more important?

Abhinav – This is a totally subjective question. Yeh sab pe depend karta hai woh kiss situation mein aage jarahe hai. Main jiss situation mein tha wahan mere pass koi bhi expert learning ka scope nahi tha.

But haan life mein jab bhi mauka milta hai main unn sab ki baatein samajhta hoon jinke pass knowledge hai.

Aur meri saari basic knowledge jo hui hai who TVF mein aake hi hui hai. TVF mere liye Acting School, Direction School, TVF mere liye Film School hai. Maine TVF mein hi seekha hai sab kuch. Baaki yaar woh tumhare upar depend karta hai agar tumhe lagta hai ki koi school or institution join karna chahiye toh karo aur nahin lagta toh mat karo just go with the flow.

5. Chasing your dream was difficult?

Abhinav – It was very difficult. Matlab maine aisa socha nahi tha kabhi ki mein iss field mein kaam karne lag jaunga real life mein. Matlab mein dreams mein sochta tha aur  yeh sab reality mein hoga aisa socha nahin tha. So yaar kaafi difficult tha.

4 saal lag gaye mujhe crack karne mein iss field tak pohochne mein. 2013 ke early mein offer aaya tha TVF se internship ka aur phir 2016 mein maine join kiya. Kaafi tough tha yaar bohot problems bhi hui but haan finally maaza toh aaya woh journey mein

6. In such a cutthroat competition what is your USP?

Abhinav – USP is always goes with the trends. Hum humesha trends dekhte rehte hai ki abhi kya trend karraha hai, Ya kya trend karsakta hai , Ya log kiski baat kar rahe hai aajkal. Toh saare creators woh try karte hai ki jitna jyada hum trend ko follow karein. Aur log jo baat karrahe hai usko hum apne zone mein dhikaye. Yeh competition rehta hi hai saare channels mein. Haan but yeh process bohot fun bhi hai matlab bohot healthy competition hota hai.

7. You have done comedy videos & web series? So do you want to act in different genres videos, films, web series?

Abhinav – Haan yaar definitely. Basically I always dream of doing a negative role. Let’s see kab hota hai. But haan I would love to do different roles and I always want to try everything. Kyonki abhi impossible toh kuch bhi nahi hai. Toh sab kuch try karna hai life mein.

8. Which is your favorite genre?

Abhinav – Favorite genre. Yaar mein abhi kaafi saare different genres or different zones explore hi karraha hoon. Abhi jo muhhe sabse jyada mazza aata hai dekhne mein ya sochne mein woh thodasa hai – Raw drama with some comedy bhi. But abhi woh waala phase chal raha hai jahan main abhi kaafi kuch explore karraha hoon.

9. Which is favorite show, video or series in which you have acted?

Abhinav – Yaar meri act ki hui videos ko mein rate nahi karpata hoon. Toh guys, I am sorry yeh aaplog batadena ki kaunsa accha hai. But haan jo maine direct kiya hai usemin bata sakta hoon ki usmein kaunsa maaza aaya tha karne mein –

‘Tinder Games’ aur ‘Bade Chote’ ke videos karne mein kaafi mazza aata hai.aur ‘Rabish Ki Repost’ direct karne mein kaafi mazza aata hai. Favorite toh nahin but haan inn sab mein kaafi maaza aata hai. Koi ek particular favorite mere liye choose karna kaafi difficult hai yaar.

10. Do you have any dream role? 

Abhinav – Dream role matlab 2 ya 3 characters hai jo mein films mein karna chahunga jaise ki-

‘Raanjhana’ mein Dhanush ka character karna chahunga, ‘Tamasha’ zone mein kuch mile. Ranbir kapoor ki mostly jo films hai main try karna chahunga. Main kaafi bada fan hoon Ranbir Kapoor ka. Main try karna chahunga yeh saare roles. Baaki Ranbir Kapoor toh baap level aadmi hai.

11. To whom you look up to? Any role model?

Abhinav – Ranbir Kapoor & Ranveer Singh acting mein.

And role model mere dad hai jo din raat mehnat karne ki jo quality aayi hai woh unhi se aayi hai. Aur main bohot saare cheezon se inspire hota rehta hoon bohot saare role model hai alag alag cheezon se alag alag tarah se inspire hota hoon.

12. What was the first reaction of your family when you told them that you want to choose acting as your profession?

Abhinav -Yeh toh ek dum disbelieve tha pehele toh ki sach mein aisa bol diya isne. Sab ko pata tha but main bol nahi raha tha confess nahi karraha tha. Toh kya pata idea bhi ho unko haan shayad kabhi bolega life mein ya nahi bolega. But haan woh kaafi jyada khush toh nahin the. But gradually sab theekh hogya.

13. Is your family being supportive when you told them that you want to become an actor? If not, then how did you convince?

Abhinav – I never told them that I wanted to become an actor. Aur mujhe sirf actor nahi banna tha mujhe direction bhi try karna tha mujhe iss field mein enter karna tha basically aur phir explore karna tha ki mujhe exactly karna kya hai.

Aur maine yehi bola bhi tha ki mujhe direction ka mann hai aur mein acting bhi karlunga mujhe pata nahin main kya karunga but let’s see mostly direction ka hi job hai Assistant Director ban kar main jaraha hoon. I am going to the direction field. Kyonki actor banna hai agar tum seedhe family ko bolege toh family thoda load lelete hai aur phir bolte hai ki yaar tum chale jaoge.

Magar haan tum agar acchese, pyaar se samjhaoge aur connected rahoge hamesha toh phir yeh waali problem nahi hogi.

14. Do you ever think of directing videos, web series or movies?

Abhinav – I am directing videos and  I am about to direct a web series. And finger crossed ek din movies bhi direct karenge.

15. Share some suggestions for the upcoming beginners of your stream?

Abhinav – Yaar lage raho that is the only mantra. Lago raho bohot disappoint hoge beech mein lagega ki kya horaha hai, Mann nahi horaha hai karne ka ya nahi hoparaha hai lekin lage rahoge toh hojayega yaar hoga kaise nahin. Karte raho kar lenge.

Lago rahe aur smart bhi socho aisa nahi ki lage hai random kaam karrahe ho. Smartly socho.

Risk lo but aisa nahin ki aankh band karke random risk leliya hai. Main yeh nahin bolta hoon ki har baar galat hojata hai woh sahin bhi hosakta hai.

But yaar family ko kya bolege thodasa woh bhi dekhna padta hai. Toh dimag se kaam lekar risk lo socho ki main kya karraha hoon kitna sahin hai aur kitna nahin hai.

Thodasa calculate karo aur phir bindaas confidence hai agar apne aap par toh tum phir kuch bhi kar sakte ho.

16. What is your biggest dream? 

Abhinav – I am living my biggest dream. Jo main abhi karraha hoon woh maine socha tha dream mein. Uss time ki iss field mein kaam karunga har din alag alag sapne aur bade hote jaate hai. Let’s see 1 mahine baad, 1 Saal baad or 5 Saal baad updated version hoga biggest dream ka.

We had a great interview with Abhinav & We wish him all the best for his upcoming videos, shows, series, & film projects.